لا تجادل ولا تناقش يا أخ ..

اوقات فيه مواضيع المناقشة فيها مضيعة للوقت والمجهود

زي الصيف والشتا والاهلي والزمالك
الجونة ولا الساحل .. الشغل الحكومي ولا الخاص ….. وكل المواضيع الأزلية الجدلية اللولبية دي وما أكثرها

لان المناقشة بتتحول لجدال .. كل طرف بيحاول يكسب الطرف التاني بالكلام والحجة والمنطق واللامنطق وساعات بطولة اللسان والشتيمة

العاقل الناصح الرايق بقى يعمل ايه ؟؟

ميتزحلقش ف اي مناقشة من دول ويكبر دماغه كده ويوفر مجهوده ونفسيته للأهم
لانك مهما اتناقشت مثلا الصيف احلي من الشتا ولا العكس … هيفضل الصيف ييجي ويخلص والشتا وهكذا ورأي سعادتك مش هيغير ولا هيضيف للبشرية أي حاجة …
أستمتع بالاتنين صيف وشتا وخد معاهم ربيع وخريف كمان ولا يهمك
خليك فاهم مصلحتك فين
واصحي ليزحلقوك

Rahmy

View Profile